Mga Dapat Mong Malaman tungkol sa TRAIN Law (Part 2)



Kung inyong maaalala, sa nakaraan nating post ay tinalakay natin ang kalahati ng TRAIN law. Kung ating babalikan itong bagong batas na ginawa ng mga attorney senators natin sa Manila, ang TRAIN ay nangangahulugang Tax Reform for Acceleration and Inclusion Law—pinaka layunin nitong pabilisin at pagibayuhin ang development ng infrastructure at pag-improve ng maraming free government services.

Isa sa pinaka malaking impressions nito ay sa mga taong nagtratrabaho sa formal sector bilang mga empleyado; karaniwang mga nagtratrabaho sa office, retail, at sa ilalim ng iba pang mas malaking kumpanya ngunit isa sa mga hindi natin natalakay noong nakaraan na higit kailangang bigyan ng pansin ay ang informal sector.

Ang ibig natin sabihin ay ang mga manggagawa na hindi umaabot ang suweldo sa bracket na taxable. Isang napaka laking impact sa kanila ay, dahil hindi sila nagbabayad ng tax dahil sa liit ng sahod nila, hindi sila magbe-benefit mula sa pag taas ng taxable salary bracket ngunit sa kabila ng kanilang dating suweldo na hindi naman tumaas, ngayon ay mas malaki ang babayaran nila para sa napakadaming pangunahing pangangailangan.

Kung tatanggalin ang buwis mula sa income, hindi maaaring hindi ito bawiin sa ibang paraan kung kaya’t inilaan ng mga attorney senators sa Manila ang singil ng buwis sa buong bansa sa mga sumusunod:

Coal

Coal Tax
Noon
P10*
Ngayon
1st year = P50*
2nd year = P100*
3nd year = P150*
*per metric ton

Petroleum

Tax on Petroleum & Oil Products
Noon
LPG = None
Diesel = None
Regular & Unleaded = 4.35
Ngayon
LPG
Diesel
Premium Gasoline
2018 = P1 per kg
2018 = P2.50 per L
2018 = P7 per L
2019 = P2 per kg
2019 = P4.50 per L
2019 = P9 per L
2020 = P3 per kg
2020 = P6 per L
2020 = P10 per L

Tobacco tax

Tobacco Excise Tax
Noon
2017
2018
P30*
P30.20*
Ngayon
Jan-June 2018
July 2018 - Dec 2019
2020-2021
2022-2023
2023 onwards
P32.50*
P35*
P37.50*
P40*
4% annual increase
*per pack

Beverage tax

Sweetened Beverage Tax
Noon
None
Ngayon
W/ caloric & non-caloric sweeteners
W/ high fructose corn syrup
Exclusions
P6*
P12*
Milk
Meal replacement
Coffee
Medically required formulas & drinks
100% natural fruit & veg juice
w/ coco sugar or stevia for sweeteners
*per liter

Bukod sa taunang pag-fluctuate ng presyo ng gasoline sa pandaigdigang merkato, ngayon ay itataas pa taon-taon ang buwis para sa bawat liter o kilogram ng pagbili sa kanila—ito ay buwis na papasanin ng mamimili rin at hindi lamang ng oil companies. Kung tataas ang presyo ng krudo, mga produktong petrolyo, gasoline ay tiyak tataas ang pamasahe at presyo ng lahat ng bilihin. Lalaki ang gastos ng mga minimum wage earners kahit hindi tumas ang kanilang suweldo. Kahit ang mga excepted na ngayon sa tax ay mararanasan din ito. Lahat ito ay bukod pa sa individual taxes na ipapataw sa mga bagay tulad ng yosi, sweet beverages, at dagdag singil sa lahat ng mga documentary seals (as if affordable ang legal services as it is sa bansa).

Kung may tunay na paroroonan itong balak ng mga attorney senators natin sa Manila para sa ikagaganda ng ating bansa, inaasahang makikita natin ito sa loob rin nitong taon at sa mas matulin na pace of development.

No comments

Powered by Blogger.